Le Ultime Annos de Mi Patre

Mi patre transpassava iste septimana.  Le sequente es un historia de su vita in le ultime annos.

Quando io retornava a casa a viver con mi parentes a custodiar les ante 3 annos, mi patre jam non recognosceva nemo del mi familia a causa de dementia.  Io pensava que ille jam non era un person in le senso Lockean (pro que ille habeva nulle memoria nove).  Ma ille era physicalmente san e parlava multo.  Como ille permutava cosas in le casa (especialmente quando nemo le videva), io le appelava Sr. Fee (妖精さん/Yousei-san).  Ille poteva vider persones invisible a nos e alcun vices ille parlava con illes.  Post un tempore, ille comenciava ir a centros de 'day-care' e 'short-stay'.  Alcun vices, ille resisteva a ir.  Alcun vices, ille incholerisava espacialmente quando decisiones sur ille era prendite sin su permission o quando ille sentiva que ille era ignorate.  Alcun vices, gente in le centros se plangeva sur ille essendo violente.  Totevia, ille aliqua poteva melio communicar con travaliatores social que con su familia.

Ille deveniva minus active gradualmente.  In iste estate, ille sovente suffreva de diarrhea.  Ille poteva ir al W.C. e essugar se, si instruite.  Verso le fin del augusto, ille perdeva le appetito.  Ille anque habeva symptomas de insufficientia cardiac (e.g., edema pulmonar).  Le doctor al hospital diceva que vamos vider pro un tempore, pro que un vice ille era hospitalisate, ille non poterea quitar, e le gente in le hospital inquietava su violentia.  Ma intra un septimana, ille habeva febre e era hospitalisate.  On usava diuretic e su insufficientia cardiac meliorava.  Ma ille mangiava pauco.  Si on tentava alimentation oral, il haberea le risco del pneumonia per aspiration.  On discuteva methodos de alimentation fortiate (i.e., gastrostomia, alimentation parenteral, e alimentation via nostril), ma le doctor non era multo enthusiastic con ille methodos.  Durante que il habeva altere problemas tal como insufficientia cardiac o febre, on non poteva comenciar alimentation.  Mi patre non poteva mangiar longemente ma le doctor diceva que un persona poteva viver pro menses sin alimentation, pro mi surprisa.  Illo me recordava un bathynomus giganteus que viveva pro annos sin mangiar in un aquario, ma mi patre era del homeothermia.  Mi familia anque hesitava sur le decision sur alimentation fortiate.   Economicamente, mi familia dependeva sur le pension de mi patre, ma nos non era certe sur le exploitation economic potential de su vita.  Iinterim, ille magriva e il era plus difficile de vider le...

3 menses post le hospitalisation, ille debeva cambiar le hospital a causa del systema medical de Japon.  Como le hospital nove pareva recommendar le alimentation parenteral, io demandava le doctor pro illo.  Ma mi patre non lo recipeva pro 2 septimanas, e io trovava que io non habeva communicate ben con le doctor.  Alimentation parenteral commenciava al fin, e mi patre pareva haber ganiate energia un pauc.  Ma in 5 dies, io recipeva un appello del hospital dicente que mi patre habeva fallimentos de respiration.  Mi familia vadeva al hospital e mi patre perdite su battimentos de corde in circa 20 minutes.


Commenti

Post popolari in questo blog

ローカル変数は使用不可

OpenCV Java API で Gabor Filter

ES611の電池交換